विर्तामोड , कात्तिक २१ । झापा विर्तामोडको भद्रपुर रोडमा रहेको साइ अटो मोवाइल्स प्लाजा प्रालिले जावा मोटरसाइकलको विक्री शुरु गरेको छ । नेपालमा महिन्द्रा टु व्हीलर्स एण्ड जेनेरेटर्सको आधिकारिक विक्रेता अग्नि ग्रुपको सहायक कम्पनी अग्नि मोटोइंक प्रालिसँगको सहकार्यमा क्लासिक लिजेण्ड्सले नेपालमा जावा मोटरसाइकल भित्र्याएको हो ।

विर्तामोडको भद्रपुरमा रहेको साइअटो मोवाइल्स प्लाजा प्रालिले विर्तामोडमा अग्नि मोटोइंकका जावा मोटरसाइकलको डिलर स्थापना गरेर जावा मोटरसाइकलको विक्री शुरु गरेको साइअटो मोवाइल्स प्लाजा प्रालिका सञ्चालक ओमप्रकाश श्रेष्ठले जानकारी दिए ।


गत कात्तिक १७ गतेदेखि जावा मोटरसाइकलको विक्री र वुकिङ शुरु गरेको बताउँदै उनले हालसम्म बिर्तामोडका माधवकुमार झाले जावा मोटरसाइकल खरिद गरेको र काँकरभिट्टाकी सन्ध्या मास्केले जावा मोटरसाइकल वुकिङ गरेको जानकारी दिए । जावा मोटरसाइकल खरिद गर्ने बिर्तामोडका माधवकुमार झालाई साइअटो मोवाइल्स प्लाजा प्रालिका सञ्चालक ओमप्रकाश श्रेष्ठ, सञ्चालिका कामना उप्रेती श्रेष्ठले जावा मोटरसाइकलको चावी हस्तान्तरण गरेका थिए ।


साइअटो मोवाइल्स प्लाजा प्रालिले जावा–फोर्टीटु सिंगल च्यानल एबीएस, जावा–फोर्टीटु डुअल च्यानल एबीएस र जावा क्लासिक सिंगल च्यानल एबीएस मोटरसाइकलको विक्री र वुकिङ शुरु गरिएको उनले जानकारी दिए । जावा–फोर्टीटु सिंगल च्यानल एबीएसको मूल्य ६ लाख २० हजार रुपैयाँ, जावा–फोर्टीटु डुअल च्यानल एबीएसको मूल्य ६ लाख ४८ हजार रुपैयाँ, जावा क्लासिक सिंगल च्यानल एबीएस मोटरसाइकलको मूल्य ६ लाख ४८ हजार पाँच सय रुपैयाँ रहेको उनले वताए । नेपालमा जावा क्लासिक सिंगल च्यानल एबीएस ब्ल्याक, मरुन र ग्रे मा र जावा फोर्टी टु ल्युमस लाइम, ह्पालिज् टिल, गलार्टिक ग्रिन, स्टारलाइट ब्लु, कमेड रेड, नेबुला ब्लुमा उपलब्ध हुने उनले वताए ।


जावा फोर्टी टु नयाँ जावा इन्जिन २९३ सीसी लिक्विड कुल्ड, सिंगल सिलिन्डर , डीओएचसी इन्जिनसहित सर्वोत्तम इटालियन इन्जिनियरिङसँगको सहकार्यबाट निर्मित यसमा २७ बीएचपी र २८ एनएम टर्कका साथ एफआई टेक्नोलोजी इञ्जिन र बीएसभीसिक्स इञ्जिनको सुविधा, डवल साइलेन्सरको सुविधायुक्त रहेको छ । जावा मोटरसाइकल दैनिक सवारी प्रयोगका साथसाथै लामोदुरीको यात्रामा भरपर्दो रहेको वताइएको छ । यसको स्पेयर्स पार्टस् सहजै उपलव्ध हुने र त्यो साइअटो मोवाइल्स प्लाजा प्रालिमै ग्राहकलाई उपलव्ध गराइने स्पेयर्स पार्टस् म्यानेजर आयुस श्रेष्ठले जानकारी दिए ।


साइअटो मोवाइल्स प्लाजा प्रालिले जावा मोटरसाइकल खरिद गर्ने ग्राहकलाई तीन लाख रुपैयाँसम्मको फाइनान्सको सुविधा प्रदान गरिने सञ्चालक ओमप्रकाश श्रेष्ठले जानकारी दिए।

तस्बिरमा माधव कुमार झा
तपाइको प्रतिक्रिया दिनुहोस्।