काठमाडौं, जेठ ०२ । गत महिना वैशाख २५ गते देखि जेठ ५ गते सम्म गरेको लकडाउन अवधि येही ५ गते सकिदै छ। देशमा कोरोना संक्रमण तिब्र रूपमा बढेको हुनाले सरकारले थप कडाइ साथ लकडाउन थप्ने तयारी गरेको छ।

शुक्रबार बसेको उच्चस्तरीय समन्वय समितिको अनौपचारिक बैठकमा सो विषयमा छलफल भएको हो।

लकडाउन थप गर्ने वा नगर्ने विषयमा छलफल गर्न विशेषज्ञहरूलाई बोलाइएको थियो। सो छलफलमा विशेषज्ञहरूले लकडाउन थप गर्न सुझाव दिएका बैठकमा उपस्थित एक मन्त्रीले बताए।

‘अहिलेको अवस्थामा महामारी बढ्ने क्रम जारीनै रहेको बेला लकडाउन थप गर्न सबैले सुझाव दिएका छन्’,ती मन्त्रीले भने।

ती सुझावलाई भोलि बस्ने समितिको बैठकमा छलफल गरिने र मन्त्रिपरिषद् बैठकमा पेश गरिने ती मन्त्रीले बताए।

तपाइको प्रतिक्रिया दिनुहोस्।